Утга зохиол - Урлаг бүлэг

          Ардын хувьсгалын 100, Ховд аймаг байгуулагдсаны 90 жилийн түүхт ойд зориулсан Ховдоо магтая дууны шүлгийн уралдааны удирдамж
                 Ховд хот                                                                                                                                                                                                       2020.10.30                                                                                                                                  НЭГ. “Уралдааны үндэслэл" 

           Баруун Монголын олон овог угсаатны бүлгүүдийн өлгий нутаг Ховд аймаг нь Монгол орны баруун хязгаар Алтайн сүрлэг уулс, говь хээр, тунгалаг урсгалт гол нуурууд, байгалийн цогцолбор хосолсон баян бүрдүүд дунд оршидог бөгөөд Монголын түүхэнд түүхэн гавъяа байгуулан, эртнээс нааш эв найртай амьдарч ирсэн, баатарлаг, хөдөлмөрч, золбоолог ард түмэнтэй билээ. Ховд хот нь эртний түүхт хотуудын нэг, баатарлаг үйлсээрээ алдаршсан, олон арван түүхэн хүмүүсийг төрүүлэн гаргасан хосгүй сайхан нутаг юм.  Ардын хувьсгалын түүхт 100 жил болон Ховд аймаг байгуулагдсаны 90 жилийн ойн хүрээнд Ховд нутаг, олон угсаатны бүлгүүдийн өв соёл, зан заншил, ахуй амьдрал, үзэсгэлэнт байгалийг илэрхийлсэн орчин цагийн дууны хэв маягийг хадгалсан, бахархан дуулагдах дууг бүтээхээр зорьж байна.
                                                                                                               ХОЁР: Зорилго

           Ардын хувьсгалын түүхт 100 жилийн ой, Ховд хот байгуулагдсаны 90 жилийн ойд зориулсан Олон үндэстэн ястны өлгий нутгийн өв уламжлал, ёс заншил, түүхэн гавъяаг илэрхийлсэн Ховд аймгийг сурталчилсан дууны шүлгийг тодруулахад оршино.

                                                                                                            ГУРАВ: Хугацаа

          2020 оны 12 дугаар сарын 01-нд Ховд аймгийн Засаг даргын Тамгын газарт шалгаруулалт явагдана.

                                                                                          ДӨРӨВ:Уралдааны үндсэн шалгуур үзүүлэлт
4.1   Дууны шүлэг нь Ховд аймгийн олон угсаатны бүлгүүд болон байгаль, ахуй амьдрал, өв соёл, түүхэн гавъяаг харуулсан уран яруу үг хэллэгтэй, утга агуулга төгс байх

4.2   Орчин үеийн дууны хэв маяг тохирсон, ая хийхэд тохиромжтой байх
4.3   Дууны шүлэг нь 4-ээс дээш бадаг, дахилттай байх

                                                                     ТАВ. Шалгаруулах журам
5.1   Дууны шүлгийг 2020 оны 11 дүгээр сарын 15-25-ны хооронд Javzaa_0623@yahoo.com хаягаар өөрийн Овог нэр, регистерийн дугаар, оршин суугаа газрын хаяг, утасны дугаар зэргийн хамт ирүүлж бүртгүүлнэ.

5.2   Ирсэн материалыг мэргэжлийн шүүгчид шүүж, 2020 оны 12 дугаар сарын 01-ны өдөр шилдэгийг шилдэг нэг дууны шүлгийг шалгаруулна.

                                                                           ЗУРГАА. Шагнал урамшил
              Гран при -1    /1,000,000 төгрөг/